Parisin ev sahibliyi edəcəyi 2024-cü il Olimpiya Oyunlarının məşəli aprelin 16-da qədim Olimpiya şəhərində (Yunanıstan) alovlandırılacaq.
Aut.az xəbər verir ki, bu barədə Beynəlxalq Olimpiya Komitəsinin (BOK) rəsmi saytı məlumat yayıb.
Olimpiya məşəlinin ilk olaraq Yunanıstan ərazisindən keçəcəyi və aprelin 26-da oyunların simvolunun Afinaya çatacağı dəqiqləşib. Ölkənin paytaxtında Fransa nümayəndə heyətinə təhvil veriləcək. Növbəti gün alov üç dirəkli Belem gəmisi ilə Marselə gedəcək. Onun mayın 8-də orada olacağı gözlənilir.
Qeyd edək ki, Yay Olimpiya Oyunları iyulun 26-dan avqustun 11-dək keçiriləcək.