PSJ-nin hücumçusu Kilian Mbappenin “Real”a potensial transferi ilə komandanın hücumçu Rodriqo Qoesin mövqeyi sarsıla bilər.
Aut.az xəbər verir ki, “Mançester Yunayted”, “Mançester Siti”, “Arsenal” və “Liverpul” bu fürsətdən yararlanmağa hazırdır. Bu barədə “Sport.es” məlumat yayıb.
Mənbənin sözlərinə görə, Rodriqo qeyri-sabit oyununa görə start heyətində yerini Mbappeyə təhvil verə biləcək ilk namizəddir. Madrid klubu brazıliyalı futbolçunu “toxunulmaz” adlandırır. Lakin oyunçu özü əsas komandadakı yerini itirərsə, ayrılmaq qərarına gələ və klubunu dəyişə bilər.
Qeyd edək ki, 23 yaşlı Rodriqo 2019-cu ildən “Real”da çıxış edir. Bu mövsüm 41 matçda 13 qol vurub və 8 məhsuldar ötürmə edib.