Türkiyənin “Trabzonspor” klubu hazırda FIFA-nın 7-ci Əlavəsinə uyğun olaraq Braziliyanın “Fluminense” klubunda çıxış edən “Şaxtyor”un mərkəz müdafiəçisi Marlonla maraqlanır.
Aut.az xəbər verir ki, “bordo-mavilər” 28 yaşlı futbolçu ilə 2022-ci ilin yayında da maraqlanıb. Daha sonra “Trabzonspor” Marlonla çox aktiv bazarlıq etdi və hətta onu inanılmaz maaşla şirnikləndirdi. Lakin sonda mərkəz müdafiəçisi kluba keçməkdən imtina etdi, çünki həyat yoldaşı Trabzonda yaşamaq istəmirdi.
Braziliya A Seriyasında keçən mövsüm Marlon “Fluminense”nin heyətində cəmi 15 matçda (937 dəqiqə) meydana çıxıb.
Marlonun “Şaxtyor”la müqaviləsi 30 iyun 2026-cı ilə qədər qüvvədədir.
Aut.az