Jurnalist və teleaparıcı Pirs Morqan Çempionlar Liqasının 2023/2024 mövsümünün 1/4 final mərhələsinin püşkatmasının nəticələrini şərh edib.
Aut.az xəbər verir ki, Morqan ÇL-in qalibinin “arsenal” olacağını bildirib.
“Arsenal” qalib gələcək. “Bavariya”nı məğlub edəcəyik, yarımfinalda “Mançester Siti”ni, sonra isə finalda “Barselona”nı məğlub edəcəyik. Bu qədər asan”, – jurnalist sosial şəbəkədə yazıb.
Xatırladaq ki, martın 15-də UEFA-nın Nyon şəhərindəki (İsveçrə) mənzil-qərargahında Çempionlar Liqasının 2023/2024 mövsümünün 1/4 final mərhələsinin püşkatma mərasimi keçirilib.
Çempionlar Liqasının 2023/2024 mövsümünün 1/4 finalının cütləri:
“Arsenal” (İngiltərə) – “Bavariya” (Almaniya);
“Atletiko” (İspaniya) – “Borussiya” (Almaniya);
“Real” (İspaniya) – “Mançester Siti” (İngiltərə);
PSJ (Fransa) – “Barselona” (İspaniya).
İlk 1/4 final oyunları aprelin 9 və 10-da, cavab oyunları isə aprelin 16 və 17-də baş tutacaq.
Aut.az