“Bavariya”nın hücumçusu Harri Keyn Almaniya çempionatının 25-ci turunun “Maynts”la matçında (8:1) het-trik edib.
Aut.az xəbər verir ki, İngilis futbolçu bu mövsüm Bundesliqada 30 qol vurub. “Opta Sports”un məlumatına görə, yalnız Uve Seeler Almaniya çempionatında debüt mövsümündə (1963/64) bu qədər qol vurub.
Keyn Münhen klubuna keçən yay “Tottenhem”dən keçmişdi. 30 yaşlı futbolçu bu mövsüm “Bavariya”nın heyətində bütün turnirlərdə 34 oyuna çıxıb, 36 qol vurub və 10 məhsuldar ötürmə edib.