UEFA Konfrans Liqasında 1/8 final mərhələsinin püşkü atılıb.
Aut.az xəbər verir ki, İsveçrənin Nyon şəhərində təşkil olunan tədbirdə Azərbaycan millisinin futbolçusu Mahir Emrelinin çıxış etdiyi “Dinamo”nun (Zaqreb) rəqibi müəyyənləşib. Xorvatiya çempionu 1/4 finala gedən yolda Yunanıstan PAOK-u ilə qarşılaşacaq.
Türkiyənin avrokuboklardakı yeganə təmsilçisi “Fənərbağça” isə Belçikanın “Union” klubu ilə üz-üzə gələcək.
Qeyd edək ki, bu mərhələnin ilk matçları martın 7-də, cavab görüşləri isə 14-də baş tutacaq.
UEFA Konfrans Liqası: 1/8 final mərhələsi
“Servett” (İsveçrə) – “Viktoriya” (Çexiya)
“Ayaks” (Niderland) – “Aston Villa” (İngiltərə)
“Molde” (Norveç) – “Brügge” (Belçika)
“Union” (Belçika) – “Fənərbağça” (Türkiyə)
“Dinamo” (Zaqreb, Xorvatiya) – PAOK (Yunanıstan)
“Şturm” (Avstriya) – “Lill” (Fransa)
“Makkabi” (Hayfa, İsrail) – “Fiorentina” (İtaliya)
“Olimpiakos” (Yunanıstan) – “Makkabi” (Təl-Əviv, İsrail)