“Pari Nijni Novqorod” klubunun baş məşqçisi Sergey Yuran “Neftçi”nin hücumçusu Reziuan Mirzovla münaqişəsindən danışıb.
Aut.az xəbər verir ki, Mirzov Yuranın rəhbərliyi altında “Ximki”də oynayıb.
“Məşq prosesində o gördü ki, mən Sadıqovu CSKA-ya qarşı oynatmağı planlaşdırıram. Mirzov isə ilk dəqiqələrdən cinahda Bojenov və ya Lomovitskinin olmasını istəyirdi. İkitərəfli məşqdə müxtəlif kombinasiyalara baxdım. Həmişə demişəm ki, zarafatları və komandada xoş ab-havanı sevirəm, amma məşq prosesində yox. Və o, görünür, narazılığını göstərmək qərarına gəldi – qapını təpiklə vurdu.
Onu məşqdən qovdum. Çünki heç kimin özünü belə aparmağa haqqı yoxdur, hətta Mirzov da, İvanov da. Futbolçular baxır – sabah başqa biri belə edəcək.
Mən onu oyuna aparmadım. Sadıqov isə ilk hissədə meydana çıxıb qol vurdu, 4:2 hesablı qələbə qazandıq. Bu o deməkdir ki, mənim qərarım düzgün idi. Sonra, görünür, Mirzov səhv etdiyini başa düşdü və biz işimizi davam etdirdik.
Nəticə çıxardınsa, bu əladır. Narazılığınızı evdə – həyat yoldaşınıza, valideynlərinizə göstərə bilərsiniz, amma mənə ehtiyac yoxdur. Mən belə şeyləri qətiyyətlə boğuram”, – Yuran “Championat”a müsahibəsində deyib.
Aut.az