Xəbər lenti
Bu ayın sonunda “Qremio”dan ayrılacaq Luiz Suraesin sağlamlığında ciddi problemlər var.
Aut.az xəbər verir ki, uruqvaylı futbolçu barədə “Radio890”-a məlumat verib. O, son 1 il ərzində ağrıkəsicilər hesabına meydana çıxdığını bildirib:
“Hər oyundan bir neçə gün əvvəl üç həb qəbul edirəm və oyuna bir neçə saat qalmış iynə vururam ki, oynaya bilim. Bunsuz mümkün deyil. Buna görə də adi vaxtlarda daim axsayıram. Əks halda oynaya bilməzdim. Səhərlər edilən ilk prosedurlar həmişə çox ağrılı olur. Məni görən hər kəs futbol oynamağıma təəccüblənir.
Bu barədə düşünməliyəm, çünki bəlkə beş ildən sonra dostlarımla belə oynaya bilməyəcəm. Oğlum məndən onunla oynamağımı, getməyimi xahiş edir, amma mən bunu bacarmaram”.
Səhhətində ciddi problemlər olmasına baxmayaraq, Suares karyerasında daha bir çətinliyin öhdəsindən gəlməkdə qərarlıdır. Çox güman ki, o, gələn ili “İnter Mayami”də keçirəcək. Bundan sonra karyerasını başa vuracağı ehtimal edilir.
