Xəbər lenti
Zorlama ittihamı ilə ilin əvvəlində həbs edilən Dani Alveşlə bağlı yeni informasiyalar var.
Aut.az xəbər verir ki, onun məhkəməsi gözləniləndən xeyli gec baş tutacaq. Ötən il dekabrın 30-da Barselonadakı gecə klublarından birində 23 yaşlı qıza təcavüz etməkdə ittiham olunan “sambaçı”nın azadlığa çıxmaq istəyi daha bir müddət baş tutmayacaq.
Buna səbəb cəzasının elektron monitorinqlə əvəzlənməsi ilə bağlı vəsatətlərinin qəbul edilməməsidir. Buna səbəb xidmət orqanlarının braziliyalının ölkədən qaçmağa cəhd edəcəyindən ehtiyatlanmasıdır.
Alveşə avqust ayında rəsmi ittiham irəli sürülüb və Barselona məhkəməsi son bir neçə ay ərzində Kataloniya klubunun keçmiş oyunçusunun işi ilə bağlı sübutlar toplayır. 40 yaşlı braziliyalının məhkəməsi yaxın günlərdə başlamalı idi. Lakin indi bunun baş verməyəcəyi məlum olub.
Jurnalist Maika Navarronun yaydığı məlumata görə, zərərçəkənin vəkili iddia edir ki, tərəflər Daninin cəzası ilə bağlı razılığa gələ bilmirlər. Alveş maddi təzminat da daxil olmaqla razılığa gəlmək niyyətində idi. Lakin qadın onun üçün minimum 4 il həbs tələb edir.
Tərəflər arasında yaranmış gərgin vəziyyət və razılığa gələ bilməməsi səbəbindən məhkəmə prosesi dekabrdan fevrala təxirə salıb. Bununla belə, görünür ki, Alveş barışıq üçün variantlar axtarmalıdır. Çünki ittiham tərəfi onun üçün doqquz ilə qədər həbs tələb edə bilər.
Xüsusilə keçmiş futbolçu bir neçə dəfə ifadəsini dəyişdikdən sonra vəziyyət çox ağırlaşıb. Futbolçu nəinki onu zorlamada ittiham edən qadını tanımadığını, hətta özünün də cinsi zorakılığın qurbanı olduğunu bəyan edib. Hazırda Alvesşn cinsi əlaqənin razılıq əsasında olması nəzəriyyəsinə sadiq qaldığı deyilir.
Son günlər braziliyalı üçüncü dəfə müvəqqəti azadlığa çıxmaq üçün müraciət edib. Lakin onun tələbi rədd edilib. Güman edilir ki, o, daha bir ilini dəmir barmaqlıqlar arxasında keçirəcək.
