UEFA FİFA-nın qadınlar arasında futzal üzrə dünya çempionatının keçirilməsi ilə bağlı qərarına cavab verib və qadınlar arasında Avropa çempionatının formatında dəyişiklikləri təsdiqləyib.
Aut.az xəbər verir ki, qadınlar arasında futzal üzrə dünya çempionatının tətbiqindən sonra UEFA qadın futzal üzrə Avropa çempionatını səkkiz komandaya qədər genişləndirəcək. Turnir 4 ildən bir, növbətisi isə 2027-ci ildə keçiriləcək.
2019-cu ildə keçirilən ilk turnirdən bəri Avropa çempionatı iki ildən bir keçirilir və dörd komandanın iştirak etdiyi final mərhələsi ilə yekunlaşır. 2025-ci ildən FİFA 16 komanda ilə dünya çempionatı keçirəcək.
İlk dünya çempionatının seçmə mərhələsi 2024-cü ildə başlayacaq, onun formatı və reqlamenti daha sonra təsdiqlənəcək.
Bu vaxta qədər keçirilən qadınlar arasında futzal üzrə hər üç Avropa çempionatında – 2019, 2022 (2021-dən təxirə salınıb) və 2023-cü illərdə İspaniya qalib gəlib.
Aut.az