Xəbər lenti
İngiltərə millisinin baş məşqçisi Qaret Sautqeyt Avropa çempionatının final mərhələsi üçün komandanın heyətini formalaşdırarkən hansı oyunçulara üstünlük veriləcəyini açıqlayıb
Aut.az xəbər verir ki, UEFA-nın əvvəlki qaydalara qayıtmasının onlara çətinlik yaradacağını bildirib:
“23 nəfərlik iştirak ərizəsinə qayıdırıq. Bu, fikirləri, planları dəyişir. Çünki son iki turnirdə heyət seçimi baxımından o qədər sərbəst idik ki, komandaya tam uyğun olmayan və ya eyni dərəcədə ehtiyac duyulan-duyulmayan oyunçuları da götürə bilirdik.
Bu dəfə futbolçuların fiziki hazırlığı, altı-yeddi qarşılaşmada iştirak etmək bacarığı həqiqətən önəmli faktor olacaq. Gəlin diqqətlə düşünək ki, fiziki cəhətdən zəif oyunçuları götürməyə dəyərmi? Həmçinin, bir tərəfdən, bir mövqedə iki oyunçu götürmək olar, lakin uyğunlaşmağı bilən və birdən çox mövqedə oynamağı bacaran oyunçular daha faydalı olacaq”.
Qeyd edək ki, UEFA COVİD-19 pandemiyası bitdiyinə görə Avro 2024-ün final mərhələsində iştirak edəcək milli komandaların ərizələri üçün oyunçu sayını 26 nəfərdən 23 nəfərə endirib.
