Təhqiramiz şüara görə üzr istədilər

PSJ-nin futbolçuları Randal Kolo Muani, Əşrəf Hakimi, Usman Dembele və Layvin Kurzava, Liqa 1-in 6-cı turunda baş tutan qarşılaşmada “Marsel” azarkeşlərinə qarşı işlətdikləri təhqiramiz şüarlara görə sosial şəbəkələrdə üzr istəyiblər.

“Dünən “Klermont”la oyunda iştirak etdiyiniz üçün bütün azarkeşlərimizə təşəkkür edirik. Nəticədən məyusluq var, ancaq bizə arxalana biləcəyinizdən qürur duyuruq.

Bir həftə əvvəl biz hamımız “Parc des Princes” stadionunda “Marsel”ə qarşı möhtəşəm qələbəmizi qeyd etdik. Matçdan sonra eyforiya hissinə qapıldıq. Hərəkətlərimizin, sözlərimizin ictimaiyyətə, xüsusən də futbol matçına baxmaq arzusunda olan azyaşlı uşaqlara təsirinin fərqindəyik.

Deməməli olduğumuz sözlərə görə ürəkdən təəssüflənirik və üzr istəmək istərdik. Gələcəkdə də üzərimizə düşən vəzifəni layiqincə yerinə yetirmək və düzgün nümunə göstərmək üçün əlimizdən gələni edəcəyik. Çərşənbə günü “Nyukasl”la matçda sizi gözləyirik. İrəli, Paris! – futbolçular “X” hesablarında yazıblar.

Aut.az