“Liverpul”un yarımmüdafiəçi Cordan Henderson “Əl-İttifaq”ın düşərgəsində məşq edir.
Aut.az xəbər verir ki, “Əl-İttifaq” Xorvatiyada təlim-məşq toplanışındadır. Komanda “Tvitter” səhifəsində məşqdən video paylaşıb.
Videoda Hendersonun da düşərgədə olduğu görünür. Xatırladaq ki, hələlik nə “Liverpul”, nə də “Əl-İttifaq” 33 yaşlı futbolçunun transferini rəsmən açıqlamayıb.
Daha əvvəl bildirilmişdi ki, Henderson “Əl-İttifaq”a keçməzdən əvvəl tibbi müayinədən keçib. Mətbuatın yazdığına görə, “Liverpul” yarımmüdafiəçinin transferi üçün 15 milyon avro alacaq.
