“Napoli”nin və Gürcüstan millisinin vingeri Xviça Kvaratsxeliya yaxşılaşdırılmış şərtlərlə müqavilənin uzadılması üçün klubla danışıqlar aparır.
Aut.az xəbər verir ki, insayder Nikolo Şiranın dediyinə görə, Kvaratsxeliyanın “Napoli” ilə yeni müqaviləsi 2028-ci ilin yayına qədər olacaq və maaşı ildə 1,1 milyon avrodan 3 milyona yüksələcək.
Daha əvvəl “Nyukasl”ın oyunçuya iddialı olduğu bildirilirdi.
A Seriyasında debüt mövsümündə Xviça 33 oyunda 12 qol vurub və 13 qol ötürməsi edib. O, mövsümün sonunda A Seriyasında ilin oyunçusu və Çempionlar Liqasının ən yaxşı gənc oyunçusu seçilib.
Aut.az