Latviya çempionatında 23-cü turun oyunları keçirilir.
Aut.az xəbər verir ki, “Sabah”ın Avropa Konfrans Liqasının 2-ci təsnifat mərhələsindəki rəqibi RFS bu gün səfərdə “Auda” ilə qarşılaşıb.
Riqa təmsilçisi bu oyunda 5:2 hesabıyla qələbə qazanıb. RFS-in heyətində İsmail Diamondo 4 qol vurub. Komandanın digər qoluna isə Yanis İkaunieks imza atıb.
Bu qələbə ilə xallarını 55-ə çatdıran komanda liderliyə yüksəlib.
Xatırladaq ki, “Sabah”la RFS arasında ilk oyun iyulun 26-da Riqada, cavab görüşü isə avqustun 3-də Masazırda keçiriləcək.
