Macarıstan “Ferentsvaroş”unun azarkeşləri Çempionlar Liqasının I təsnifat mərhələsində Farer “Klaksvik”i ilə cavab oyununda komandanın baş məşqçisi Stanislav Çerçesovdan narazılıqlarını bildiriblər.
Aut.az xəbər verir ki, “Ferentsvaroş” evdə “Klaksvik”ə sensasiyalı şəkildə 0:3 hesabı ilə uduzaraq ÇL-də mübarizəni dayandırıb.
Sportal.hu xəbər verir ki, qarşılaşma zamanı macar azarkeşlər “Auf Wiedersehen!” və Çerçesovun istefasına işarə edən “Ruslar, evə qayıdın” şüarı qışqırıblar.
Stanislav Çerçesov 2021-ci ilin dekabrından “Ferentsvaroş”a rəhbərlik edir: onun rəhbərliyi altında komanda iki dəfə Macarıstan çempionatının və bir dəfə Macarıstan kubokunun qalibi olub.
Aut.az