“Şaxtyor”un baş direktoru Sergey Palkin FİFA-nın Ukrayna klublarına münasibətindən narazıdır.
“Hazırda oyunçulara yatırılan 40 milyon avronu itirmişik. Əgər müqavilələrin birtərəfli qaydada dayandırılması qaydası qorunsa, məncə, biz daha 40 milyon itirəcəyik. Təsəvvür edə bilərsinizmi? Ukrayna futboluna necə sərmayə qoymalıyıq? FİFA bizi qətiyyən qorumur.
FİFA ədalətli futbola inamımızı öldürdü. İndi biz kiməsə sərmayə qoymazdan əvvəl iki dəfə düşünürük. Çünki FİFA içəri girib istədiyini edə bilər. Buna ailə deyirlər? Hansı ailə? Onlar Rusiya klubları ilə necə davranırlarsa, bizə də elə yanaşırlar”, – Palkin “iNews”-a müsahibəsində deyib.
Aut.az