PSJ-nin qapıçısı Serxio Riko yenidən komaya düşüb.
Aut.az xəbər verir ki, bu barədə “Le Parisien” məlumat yayıb.
Qapıçı hələ də Sevilyadakı xəstəxanadadır. İyunun 7-də Rikonun vəziyyətinin getdikcə yaxşılaşdığı, lakin ciddi olduğu barədə məlumatlar ortaya çıxdı. Bu gün, iyunun 9-da həkimlərin yenidən onu süni komaya saldığı məlum olub.
Qeyd edək ki, Riko atdan yıxılaraq kəllə-beyin travması alıb. O, Sevilyadakı xəstəxanalardan birinə yerləşdirilib və ona beyin qanaması diaqnozu qoyulub. Riko 2020-ci ildən PSJ-də çıxış edir. Qapıçının klubla müqaviləsi 2024-cü ilin yayına qədərdir.
Aut.az