B Seriyasının pley-off mərhələsinin ilk yarımfinalında “Kalyari” öz meydanında “Parma”nı 3:2 hesabı ilə məğlub edib.
Aut.az xəbər verir ki, “Unipol Domus” stadionunda baş tutan oyunun ilk hissədə qonaqlar iki qol vurub. Lakin ikinci hissədə Klaudio Ranyerinin rəhbərlik etdiyi “Kalyari” 3 qol vuraraq qələbə qazanıb.
Maraqlıdır ki, fasilədə “Parma”nın baş məşqçisi Fabio Peçkia qapıçının əvəzləyib: Canluici Buffonun əvəzinə meydana Leandro Çiçisola daxil olub. Bundan sonra “Parma” çöküb.
Cavab oyunu iyunun 3-də Parmada olacaq.
Aut.az