Türkiyədə müxalifətin prezidentliyə namizədi Kamal Kılıçdaroğlu qalib gəlmək şanısının olmadığını anlayınca, ard-arda məntiqsiz vədlər verir.
Aut.az xəbər verir ki, o, bu dəfə futbol azarkeşlərinə real olmayan vəd verib. Kılıçdaroğlu bildirib ki, əgər seçkilərdə qalib gəlsə, futbol oyunları TRT-də pulsuz yayımlanacaq.
Amma onun bu vədi bazar qanunlarına tamamilə ziddir. Çünki klubların büdcəsinin böyük hissəsi teleyayımdan gələn gəlir hesabına formalaşır.
Əgər oyunlar pulsuz yayımlanacaqsa, deməli, klublar da külli miqdarda qazancdan olacaqlar. Bu məntiqsiz addım, futbol təsərrüfatındakı sistemi alt-üst edə bilər. Yəni Klılıçdaroğlunun dedikləri populizmdir, başqa heç nə.
