Xəbər lenti
Ukraynadan “Barselona”ya etirazlar gəlməkdə davam edir.
Aut.az xəbər verir ki, Kiyev “Dinamo”su da “Barselona”nın futbolçuları Aleks Balde və Serxi Robertonun La Liqada qalib gəldikdən sonra rusiyalı azarkeşlərə videomüraciətini tənqid edib.
Ukrayna klubunun rəsmi Tvitter hesabında dərc edilmiş bəyanatda deyilir: “Biz “Barselona” klubunun oyunçularına rus azarkeşlərinə yaxınlaşmağı və Rusiya çempionatında iştirak üçün müraciət etməyi səmimiyyətlə tövsiyə edirik”.
Xatırladaq ki, “Barsa”nın oyunçuları rus azarkeşlərə dəstəyə görə təşəkkür ediblər.
“Dinamo”dan əvvəl “Karpatı” klubu da “Barsa”ya etiraz etmişdi. Kataloniya təmsilçisinin polşalı hücumçusu Robert Levandovski də komanda yoldaşlarının hərəkətini qınamışdı.
Aut.az
