Bütün sənədlər hazırdır: Tezliklə rəsmi açıqlama olacaq

Milan “İnter”inin rəhbərliyi yaxın vaxtlarda Hakan Çalhanoğlu ilə müqaviləni uzatmaq niyyətindədir.

Aut.az xəbər verir ki, bu barədə jurnalist Fabritsio Romano “Tvitter”də məlumat yayıb.

Mənbənin məlumatına görə, türk yarımmüdafiəçinin “neradzurra” ilə yeni müqaviləsi 2027-ci ilin iyununa kimi nəzərdə tutulacaq. Bütün sənədlər hazırdır. Tezliklə imzalanma və rəsmi açıqlama gözlənilir.

“İnter”in müdafiəçi Alessandro Bastoni ilə də müqaviləni uzatmaq üçün danışıqlar apardığı bildirilir.

Çalhanoğlu bu mövsüm “İnter”in heyətində bütün turnirlərdə 45 oyuna çıxıb, 4 qol vurub, 8 məhsuldar ötürmə edib.

Futbolçunun hazırkı müqaviləsi 2024-cü ilin iyun ayının sonuna kimidir. “Transfermarkt” internet portalına görə futbolçunun təxmini dəyəri 35 milyon avrodur.

Aut.az