Ən yaxşının məvacibi: Ən pisdən 3 dəfə az

“Real”ın aparıcı futbolçusu Vinisius Juniorun nə qədər məvacib aldığı məlum olub.

Aut.az xəbər verir ki, braziliyalı vingerin illik maaşı 12 milyon avro təşkil edir. Bu, Madrid klubu üçün orta maaş hesab edilir. Futbolçu 2024-cü ilin yayına qədər bu qədər maaş alacaq. Çünki “Real”la hazırkı sözləşməsinin müddəti həmin vaxt bitəcək.

Müqayisə üçün qeyd edək ki, “Real”a 100 milyon avroya transfer edilən Eden Azarın məvacibi 32 milyon avrodur. Daha çox zədəli olan belçikalı futbolçu həftədə təxminən 600 min avro qazanır.

Qeyd edək ki, Vinisius iştirak etdiyi 53 oyunda 23 qol və 20 məhsuldar ötürməyə imza atıb. O, bu nəticə ilə bu mövsüm “Real”ın ən yaxşı oyunçusudur.