Liqa 1-in 34-cü turunun “Lans”a qarşı oyununda “Marsel”in yarımmüdafiəçisi Dmitri Payet Frank Esin köməkçisi Yannik Kayuzukanın üzünə yumruq vurub.
Aut.az xəbər verir ki, “Lans”ın müdafiəçisi Fakundo Medina topu “Marsel”in ehtiyat oyunçular skamyasına doğru vurduqdan sonra dava başlayıb. Bu vaxt Payet əvəzetmədən meydana çıxmağa hazırlaşırdı.
Davaya qoşulan futbolçu rəqib məşqçini vurub. Onun hərəkəti kameralara düşüb və oyunun səhəri günü yayımlanıb.
Davadan sonra “Lans”ın baş məşqçisi Frank Es matçın baş hakimi Klement Turpindən Payeti meydandan kənarlaşdırmasını istəyib.
“Cənab Turpin, Payetin bu hərəkəti qırmızı vərəqədir! Yumruğu görmədin?” – Es deyib.
“L’Equipe”nin məlumatına görə, Payetin işinə Liqa 1-in nizam-intizam komitəsi baxacaq.”Marsel”in yarımmüdafiəçisinin hərəkətləri Fransa Futbol Federasiyasının nizam-intizam qaydalarının 13-cü maddəsinə – “Qəddarlıq aktı”na uyğundur.
Payeti 4-5 oyunluq cəza gözləyir.
Aut.az