Böyük risk – Zədəli oyunçunu meydana buraxırlar

Luka Modriçin zədəsi təkrarlanarsa, bir neçə ay yaşıl meydanlardan kənarda qala bilər.

Xatırladaq ki, “Real”ın yarımmüdafiəçisi aprelin 25-də La Liqada “Jirona” ilə matçda ombasından zədə alıb. Xorvatiyalının 4 həftəyə qədər müalicə alacağı güman edilirdi, lakin artıq mayın 6-da “Osasuna” ilə İspaniya Kubokunun finalında Modriç Toni Krosu əvəzləyərək meydana daxil oldu.

Çempionlar Liqasında “Mançester Siti” ilə oyundan əvvəl təşkil olunan mətbuat konfransında Karlo Ançelotti 37 yaşlı yarımmüdafiəçinin meydana çıxacağını açıqlayıb.

Bununla belə, “Relevo” iddia edir ki, xorvatiyalı 100% sağalmayıb, ona görə də Lukanın “Mançester Siti” ilə matçda iştirakı böyük risk olacaq.

Bundan əlavə, müayinə zamanı məlum oldu ki, Modric əzələsinin qırılması “ildırım çaxması” formasına malikdir və bu, residiv riskini əhəmiyyətli dərəcədə artırır. Belə olan halda bərpa bir neçə aya qədər çəkə bilər ki, bu da Modriçin iyunda Xorvatiya millisi ilə Millətlər Liqasının pley-off mərhələsində iştirakını praktiki olaraq aradan qaldıracaq.

Bununla belə, yüksək riskə baxmayaraq, Modriç mövsümün əsas oyunlarında “Real”a kömək etmək istəyir və oynamağa hazırdır.

Aut.az