“Sabah”ın U-11 komandası Gürcüstanın Batumi şəhərində keçirilən “Shota Cup” turnirində iştirak edib.
Aut.az xəbər verir ki, qrup mərhələsində Gürcüstanın “Bombora Kobuleti” (5:0), “İmpulsi Batumi” (11:0) komandalarını məğlub edən, “Dinamo” (Batumi) ilə isə qolsuz bərabərə qalan Məhərrəm Müslümzadənin yetirmələri növbəti mərhələyə vəsiqə qazanıb.
Həlledici görüşdə yenidən Batumi “Dinamo”su ilə qarşılaşan “Sabah” əsas vaxtı 1:1 hesabıyla bitən görüşün penaltilər seriyasında qalib gələrək (8:7) turniri çempion kimi başa vurub.