Xəbər lenti
Azərbaycan Premyer Liqasının XXXIII turunun “Turan Tovuz” – “Neftçi” oyunundan (4:0) sonra qonaq komandanın baş məşqçisi Laurentsiu Regekampf jurnalistlərin suallarını cavablandırıb.
Aut.az xəbər verir ki, mütəxəssis əvvəlcə görüşlə bağlı fikirlərini bildirib…
– Oyun haqda danışılası şeylərin olduğunu düşünmürəm. Azarkeşlərimizdən üzr istəyirik. “Neftçi” tərəfdən yaxşı davranış deyil. Kubokda finala adladıqdan sonra komandada atmosfer daha asanlaşıb. Diqqət yox idi, bu, “Qarabağ”la oyundan başladı. Qarşıda çempionatda üç oyunumuz var. Mentalitetimizi dəyişməliyik. Qələbə ruhunu qaytarmalıyıq. Zədəli oyunçular var ki, onların problemləri artıq həll olunub. Bu gün oynamaları çətin idi. “Turan Tovuz”dan bu cür oyun gözlənilirdi. Çünki kubokun yarımfinalında son 10 dəqiqədə finalı əldən vermişdilər. Bütün həftəboyu oyunçulara çatdırmağa çalışırdım ki, səfər oyunu asan olmayacaq. Qarşıdakı matçlarda çox şeyi dəyişməliyik. Çox seçimimiz yoxdur. Növbəti ev oyunumuz tamamilə fərqli olacaq. Bu böyükhesablı məğlubiyyətə görə həm öz, həm də futbolçuların adından üzr istəyirəm.
– “Turan Tovuz” ilk dəfə evində 4 qol vurdu. “Neftçi” “Şamaxı”, “Kəpəz” deyil…
– Bizim səviyyədə komanda belə nəticə ilə uduzmalı deyil. Sadə qollar buraxdıq. İlk qola baxsaq, hücum edən bizik, amma top itiririk və rəqib qol vurur. Müzakirə etməli çox şey var. Vacib amil odur ki, bu formanı geyinirsənsə, meydanda davranışın fərqli olmalıdır, belə yox. Asan qollar buraxmalı deyilsən.
– Bu nəticəyə görə utanırsız?
– Nəticə bizim üçün utandırıcıdır. Mən də komandanın üzvüyəm və bu, utancvericidir. Rəhbərliyin, mənim və futbolçuların fərqli olduğunu düşünmürəm. Kubokun finalına vəsiqə qazananda da deməmişəm ki, tək mən etmişəm. Qarşıda üç həftəmiz var və əzmkar çalışmalıyıq. “Turan Tovuz”la oyunun nəticəsini unutdurmalıyıq, bütün tənqidləri qəbul etməliyik. Bu formanı geyinəndə başqa cür düşünməlisən. Üçüncü sıradayıq, bu düşüncə futbolçuların ağlında qalıb. Bəzən elə şeylər var ki, nə itirəcəyin şeylər olur, nə qazanacağın. Haqqımda tənqidlərin olacağını bilirəm, bunları qəbul edəcək. Eyni zamanda oyunçularımı da qorumalıyam. Mövsümün sonunda final oynayacağıq və futbolçularıma ehtiyacım olacaq. “Turan Tovuz”la oyundan sonra yaşananları unuda bilmirəm. Eyni komandadır, bugünkü məğlubiyyəti təsadüf kimi qəbul edəcək. Yenə də üzr istəyirəm, nəticə utancvericidir. Məni vurmaq istəyirsizsə, vura bilərsiz.
– Final fitindən sonra futbolçularla nə danışdız?
– Oyundan əvvəl danışdıqlarımı söylədim. Onlara demişdim, nələri etməsək, nələr ola bilər və bunlar başımıza gəldi. Fəridə bir az əsəbləşmişdim, son dəqiqədə lazımsız sarı vərəqə aldı və növbəti oyunu buraxacaq. Bizim bundan da əlavə problemlərimiz var. Stankoviç daha bir oyunu buraxacaq, hər iki Azər zədəlidir. Ata Caberin formasını qaytrmalıyıq, Eddiyə dəqiqələr lazımdır. Eyni zamanda Höccət yenidən zədə aldı, bizim komanda fərqli olacaq. Oyunçularımla danışdım və dedim ki, ayılmalıyıq. Daha ciddi olmalıyıq, klubun adını, formasını daşıyırıq. Düzdür, qələbə və ya məğlubiyyət yerimizi dəyişmir, amma adımızın ləkələnməsinə icazə verməliyik. Bəlkə, gənclərlə oynamaq olar, amma bunları edə bilmirik. Çünki qarşıda finalımız var və hazır olmalıyıq.
– Ötən oyunda Höccət oynamışdı, amma bu gün yox idi…
– Zədəlidir. Ötən matçda oyun elə gedirdi ki, onu dəyişə bilməzdim. “Qarabağ”la oyunda erkən qollar buraxdıq və sonrasında Stankoviç qırmızı vərəqə aldı. Düşünməliydik ki, “Qarabağ”a qarşı 9 futbolçu ilə necə oynamaq olar. Höccəti mərkəzdə oynatmaq istəyirdim, amma olmadı. Ümid edirəm ki, qarşıdakı oyunlara hazır olar. Bu gün Sezar Meza Kollini də istifadə edə bilmədim. Ağrıları var idi. Oyunçularımın tez bir zamanda qayıtmasını istərdim.
– Ölkə kubokuna bu qədər böyük dəyər verməyiniz nəylə bağlıdır?
– Çünki tituldur. Niyə önəm verməyək? Kubok qazanmaq önəmlidir. Oyunçuların səviyyəsini saxlamalıyam və düşünməlidir ki, kuboku qazanmalıyıq. Bu mövsüm çempionatda çox xal itirdik və yeni sezonu düşünməliyik. İndi əlimizdə kubok qazanmaq şansımız varsa, bundan istifadə etməliyik. Bizim üçün ən vacibi kuboku əldə etməkdir. Futbolçuların düşüncə tərzi ilə oynamaq düzgün deyil. Onların kuboku qazanmaq haqqları var. Bugünkü oyuna və hesaba görə məyusam. Eyni zamanda sevinirəm ki, bu oyunçular komandanı ölkə kubokunda finala çıxarıb, üçüncü yeri tutaraq, avrokuboklara vəsiqə qazanıblar. Düzdür, belə hesabla uduzmaq olmaz, oyunçularımla da danışmışam. Bura gəlib, yalan danışa bilmərəm. Amma bu oyunçular nələr bacardığını da unutmamalıyıq. Rəhbərlik mövsümün sonunda üçüncü yerin olmasını bəyənməyəcəksə, bunu mənə deyəcəklər. Tənqidləri qəbul etməyə hazıram. Amma əminliklə deyə bilərəm ki, qarşıdakı mövsümdə istədiyimiz komanda olsa, çempionluq uğrunda mübarizə apara biləcəyik. Demirəm ki, oyunçuları dəyişəcəyik, xeyr, sadəcə əlavələr etməliyik.
– Süni örtüklü meydançanın təsiri oldumu?
– Burada məşq etmək istəmirdik. Onsuz da oyunçularla bağlı kifayət qədər problemlərimiz var. Bu söhbətlərin bəhanə kimi qəbul edilməsin istəmirəm. Hər dəfə deyirik, şablon kimi çıxmasın. Bu cür meydançada oynayanda futbolçular bütün güclərini qoya bilmirlər. Belə meydançalarda ev sahibi kimi oynayanlar artıq öyrəşib və rahat oynayırlar. Nəticəyə görə, rəqib komandanı təbrik edirəm. Amma bizim kimi komandalar üçün belə meydançalarda oynamaq çətindir.
