İspaniya məhkəməsi “Bakı”nın sabiq futbolçusu, Koke ləqəbi ilə tanınan Serxio Kontreras Pardo ilə bağlı qərar verib.
Aut.az xəbər verir ki, o, 6 il müddətinə azadlıqdan məhrum edilib. Buna onun narkotik ticarəti ilə məşğul olması səbəb olub. Koke Avropada narkotik maddələri idxal edən dəstənin üzvü olduğunu etiraf edib Onunla yanaşı, daha 17 nəfər həbs edilib.
Bu, Serxio Kontreras Pardonun ilk məhkumluq həyatı deyil. O, 2020-ci ildə narkotik alverində iştirakına görə həbs edilib və bir il səkkiz ay həbs cəzası çəkib.
Qeyd edək ki, 2012-ci ilin fevralından iyununa qədər “Bakı”da oynayan Koke “Malaqa”, “Marsel”, “Sportinq”, “Rayo Valyekano” kimi klublarda da çıxış edib.
