ÜmumUkrayna Futbol Günü münasibətilə və Ukrayna futbolunun inkişafına verdiyi tarixi töhfəyə görə 1975-ci ildə “Qızıl top”u qazanmış Oleq Bloxin “Ukrayna əfsanəsi” ordeni ilə təltif edilib.
Aut.az xəbər verir ki, UAF Milli Komandalar Komitəsinin və UAF Peşəkar Futbolun Strateji İnkişaf Şurasının həmsədri Andrey Pavelko ordeni əfsanəvi futbolçuya təqdim edib.
“Mən Ukrayna Futbol Assosiasiyasına və şəxsən Andrey Pavelkoya qiymətləndirməyə görə minnətdaram! Futbol nəsillərin əlaqəsinə və onların nailiyyətlərinə əsaslanır ki, bu da gənclər üçün stimuldur. Mən fəxr edirəm ki, Ukrayna futbol məktəbini təmsil edirəm, Ukrayna futbolunu ən yüksək səviyyədə şöhrətləndirmək imkanım olub. Futbolumuzun inkişafı üçün işləri davam etdirmək imkanı yaratdığı üçün UAF-a və onun rəhbərliyinə də minnətdaram. Bu, ölkəmiz üçün belə son dərəcə çətin sınaqlar dövründə mənim üçün xüsusilə dəyərlidir”, – Oleq Bloxin mükafatı aldıqdan sonra bildirib.
Aut.az