27 yaşlı ukraynalı tennisçi Aleksandra Koraşvili ağır xəstəliyə qalib gəldikdən sonra kortda ilk oyununu keçirib.
Aut.az xəbər verir ki, Koraşvili sümük iliyi transplantasiyasından sonra keçirdiyi ilk oyunda qalib gəlib.
Ona 2020-ci ilin may ayında miyelofibroz ilə miyelodisplastik sindrom diaqnozu qoyulmuşdu. 2021-ci ilin yanvarında o, kompleks sümük iliyi transplantasiyası əməliyyatı keçirdi.
Tennisdən üç il kənarda qalan Aleksandra uzun müalicədən sonra ilk dəfə korta çıxıb. O, sonuncu dəfə 2019-cu ilin dekabrında kortda olmuşdu.
Aut.az