“Barselona” La Liqada ötən əsrin rekordunu təkrarlayıb.
Aut.az xəbər verir ki, Xavinin komandası cari çempionatda 24-cü oyunda qol buraxmayıb. “Barsa” 32-ci turda “Betis”i məğlub edib (4:0).
“Blauqrana”nın tarixində ən yaxşı nəticə 1986/87 mövsümündə olmuşdu. Onda da komanda 24 oyunda qol buraxmamışdı (qapıçı Andoni Subisarreta).
La Liqanın tarixində bu göstəricidə rekord “Deportivo”ya məxsusdur. 1993/94 mövsümündə klub 38 oyundan 26-ında qapısında qol görməyib.
“Barsa”nın da, qapıçısı Ter Şteqenin də rekordları təzələmək şansı var.
Kataloniya təmsilçisi mövsümün sonuna qədər “Osasuna”, “Espanyol”, “Real Sosyedad”, “Valyadolid”, “Malyorka” və “Selta” ilə qarşılaşacaq.
Aut.az