“Çelsi” futbolçuları komandada yaranmış vəziyyətdən son dərəcə narazıdırlar.
Aut.az xəbər verir ki, bu barədə “The Atlethic” məlumatı yayıb. Adının açıqlanmasını istəməyən futbolçulardan biri vəziyyəti belə izah edib: “Pis atmosfer, gördüyüm ən pis”.
Bildirilir ki, əsas amillərdən biri, ötən yay və qışda baş tutan böyük transferlərdən sonra əsas komanda heyətinin şişməsidir. Oyunçular başa düşürlər ki, çoxlarının meydanda yeri yoxdur və ya minimal olacaq, bu da komandadakı münasibətlərə təsir edir. Baş məşqçi Frank Lempard 30-dan çox oyunçu ilə heç nə edə bilməz.
Bundan əlavə, artıq yayda “Leypsiq”dən Kristifer Nkunkunun transferi, eləcə də bir sıra oyunçuların icarədən geri qaytarılması nəzərdə tutulub.
Nəticədə, yayda klubun əsas vəzifəsi sadəcə əsas heyətdəki oyunçuların sayını azaltmaq olacaq. Müqavilənin bitməsinə bir iki il qalanlar satılacaq.
“Mavilər” bu mövsüm uğursuzluğa düçar oldular. İndi komanda 11-ci yerdədir və hətta Premyer Liqada yerini riyazi olaraq təmin etməyib.
Aut.az
