“Alpin” komandasının pilotu Pyer Qasli Azərbaycan Qran-prisi ilə bağlı danışıb.
Aut.az xəbər verir ki, 2021-ci ildə paytaxtımızda keçirilən yarışda podiumda üçüncü olan pilot bu dəfə birincilik arzusunda olduğunu bildirib. 27 yaşlı fransalı eyni zamanda, Azərbaycan Qran-Prisini xeyli tərifləyib:
“Gözəl Bakı treki ilə qısa fasilənin ardından həyəcan yenidən başlayır. Kəşf edəcəyimiz maraqlı formatımız var. Bütün şanslardan istifadə edərək, həm sprint, həm də əsas yarışda uğur qazanmaq istəyirik. İki il əvvəl Bakıda podiuma çıxmışdım. Orada risk alaraq problemlərdən qaçdım və üçüncü oldum. Bakı trekində hər şey mümkündür. Bu mərhələni sevirəm”.
Qeyd edək ki, Azərbaycan Qran-prisi aprelin 28-30-u tarixlərində keçiriləcək.