“Real”ın baş məşqçisi Karlo Ançelotti İspaniya çempionatının 33-cü turunda “Jirona” ilə keçirilən oyundan (2:4) sonra fikirlərini bildirib.
Aut.az xəbər verir ki, italyan mütəxəssis hücumçu Vinisius Juniorun davranışından narazılıq edib. O, Vinisiusun tez-tez sarı vərəqə almasını dəyərləndirib. Bu görüşdə braziliyalı mövsümdə 14-cü xəbərdarlığını alıb.
“Bu mövqedə oynayan bir oyunçu üçün həddindən artıq çoxdur. Mən bu barədə bir neçə dəfə Vinisiusla danışmışam”, – AS Ançelottidən sitat gətirib.
Qeyd edək ki, “Real”da Juniordan sonra ən çox sarı vərəqə alanlar müdafiəçi Eder Militao və yarımmüdafiəçi Eduardo Kamavinqadır. Onların hər ikisi cari mövsümdə 8 sarı vərəqə alıblar.
Aut.az