“Çelsi” maliyyə feyr-pley qaydalarına riayət etmək üçün mövsümün sonuna qədər bir neçə futbolçunu satmaq niyyətindədir.
Aut.az xəbər verir ki, 2022/23 mövsümündə futbolçu almaq üçün 600 milyon funt-sterlinqdən çox xərcləyən “zadəganlar” maliyyə əməliyyatlarını balanslaşdırmalıdırlar.
“Çelsi” Kristian Pulişiç, Hakim Ziyeç, Kalidu Kulibali, Ruben Loftus-Çik, Konor Qallager, Romelu Lukaku və Pyer-Emerik Obameyanqı sata bilər.
“Liverpul”, “Mançester Yunayted” və “Nyukasl”ın iddia etdiyi Meyson Maunt da gedə bilər.
London klubu oyunçularını 30 iyun tarixinə qədər satmağa məcburdur ki, bu satış onların 2022/23 maliyyə hesabatına daxil edilsin. Rəqiblər bu problemdən xəbərdardırlar və son tarix yaxınlaşdıqca, oyunçuların qiymətini maksimum dərəcədə aşağı salmağa çalışırlar.
Aut.az