Qari Nevill son vaxtlar “Arsenal”ın oyunundakı əsəbiliyi qeyd edib.
“Son matçlarda, şübhəsiz ki, daha gərgin görünürlər. Bu mövsüm “Arsenal”a xas olmayan bəzi şeylər görürük. Onların oyununda əvvəlki sərbəstlik yoxdur. Bu, psixologiya məsələsidir. Komandaya dincəlmək lazımdır, “Arsenal” meydana çıxıb mövsüm boyu olduğu kimi sərbəst və həvəslə oynamalıdır.
Onların narahatlığı hiss olunur, “Mançester Siti” qan iyini hiss edən təcrübəli komandadır.
“Arsenal”, finiş xəttinə yaxınlaşarkən titrəyən komandanın bütün əlamətlərinə malikdir. O, yorğun görünür, səhvlər edir, əsəbiləşir və ümumiyyətlə bütün mövsüm ərzində etdiyi işləri görmür. Komandanın problem içində olduğu aydındır”, – “Mançester Yunayted”in keçmiş müdafiəçisi “Sky Sports”-a bildirib.
Aut.az