Runi Premyer Liqada çıxış etmiş ən yaxşı oyunçulardan biridir. O, “qırmızı şeytanlar”ın heyətində 559 oyuna çıxıb və 253 qol vurub.
Futbolçu karyerasını bitirdikdən sonra Runi məşqçiliyə başlayıb və hazırda MLS-in “DC United” klubunu çalışdırır.
Bu yaxınlarda Runi CBS-nin “Morning Footy” şousunda görünüb. Ondan “Mançester Yunayted”in üzvlərindən kimləri Raşmor dağında (orada dörd ABŞ prezidentinin heykəli ucaldılıb: Corc Vaşinqton, Tomas Cefferson, Teodor Ruzvelt və Abraham Linkoln) əbədiləşdirmək istədiyini soruşublar.
Ueyn belə cavab verib:
“Ser Aleks mütləq orada olmalıdır. Düşünürəm ki, Kriştiano Ronaldo, həmçinin Rayan Giqqz və bəlkə də Corc Best. Amma bir çox insan orada olmağa layiqdir”.
Aut.az