Joze Mourinyo “Feyenoord”un çalışdırıcısı Arne Slota “Roma” haqda dediyi sözləri xatırladıb.
Aut.az xəbər verir ki, Avropa Liqasının 1/4 finalının ilk oyunundan əvvəl Arne Slot demişdi: “Roma”nın üslubu baxımsız futboldur, nəticəyə hesablanıb. Mən “Mançester Siti” və “Napoli”ni izləməyə üstünlük verirəm”.
İlk qarşılaşmada 0:1 hesabı ilə uduzan İtaliya komandası bir həftə sonra 4:1 hesabı ilə qalib gələrək yarımfinala yüksəlib. “Qurdlar” qapıya 34 zərbə vurub (rotterdamlılar 15 zərbə).
Matçdan sonra Slot Mourinyonun əlini sıxmayıb. Tuneldə portuqaliyalı onu görərək qışqırıb: “Sən “Napoli”nin matçlarına baxırsan, indi bizim oyunlara bax! Hörmət göstərmək lazımdır! Hörmət! “Mançester Siti”nin oyunlarına baxırdın? Bundan sonra bizim oyuna baxarsan”.
Aut.az