İstanbulda keçiriləcək Çempionlar Liqasının final matçının biletləri satışa çıxarılıb.
Aut.az xəbər verir ki, bu barədə UEFA-nın rəsmi saytı məlumat yayıb.
“Atatürk” Olimpiya Stadionunda olacaq həlledici görüşün biletlərinin qiyməti 70-690 avro arasında dəyişir. II və III kateqoriyalar üzrə biletlərin qiyməti 180 və 490 avro təşkil edir.
Qeyd edək ki, sözügedən matç iyunun 10-da baş tutacaq. Həlledici görüşdə “Real Madrid” – “Mançester Siti” və “İnter” – “Milan” cütlərinin qalibləri qarşılaşacaq.