Xəbər lenti
Mixail Ballak “Bavariya” – “Mançester Siti” matçındakı (1:1) hakimlikdən narazı qalıb.
Çempionlar Liqasının 1/4 final mərhələsinin cavab oyununun 35-ci dəqiqəsində İlkay Gündoğanın zərbəsindən sonra top “Bavariya”nın müdafiəçisi Dayo Upamekanonun əlinə dəyib. Hakim Klement Turpin “Bavariya”nın qapısına penalti təyin edib.
“Siti”nin hücumçusu Erlinq Haaland dəqiq olmayıb, topu qapının üstündən vurub.
Almaniya millisinin keçmiş oyunçusu Ballak DAZN-ə açıqlamasında bu epizoda belə münasibət bildirib: “Əgər penalti budursa, onda futbolu dayandırmaq lazımdır”.
Qeyd edək ki, “Siti” iki oyunun nəticəsinə görə “Bavariya”ya qalib gələrək yarımfinala yüksəlib.
Aut.az
