Devid Bekhemə məxsus “İnter Mayami” klubu maraqlı fotosessiya edib.
Aut.az xəbər verir ki, “İnter Mayami” Yer Günü (22 aprel) ilə bağlı “Adidas”la birlikdə xüsusi köynək buraxıb.
“Sağlam okean=sağlam planet. İnter Mayami və Adidas One Planet formasını təqdim edirik”, – klubun mətbuat xidməti “İnstaqram”da yazıb.
“Biz sualtı fotoqraf Ceyson Vaşinqtonu, peşəkar sərbəst dalğıc Coral Tomaşik və sualtı prodüser Ceyms Qibbanı böyük çəkicbaşlı köpəkbalıqları, resif köpəkbalıqlarının real həyat şəkillərini yaratmaq üçün cəlb etdik. Sağlam planetə sahib olmaq üçün biomüxtəlifliyə malik plastiksiz okeana ehtiyacımız var”, – klubun açıqlamasında deyilir.
Aut.az