“Barselona”nın prezidenti Joan Laporta “Neqreyra işi” ilə əlaqədar ötən gün mətbuat konfransı keçirib. Kataloniya klubunun rəhbəri media ilə görüşündə “Real” barədə sərt fikirlər səsləndirib:
“Mən məhkəmə prosesində ittihamçı tərəf kimi çıxış edən klubu vurğulamaq istərdim. Hansı ki, bu kluba həmişə hakimlər dəstək olublar. Rejimin komandası (diktator Fransisko Frankonun dövrü nəzərdə tutulur – red) hesab olunublar və hər zaman siyasi və iqtisadi elitaya yaxınlıqları ilə seçiliblər. Xatırlatmaq yerinə düşər ki, 70 il ərzində Hakimlər Komitəsinin əksər prezidentləri “Real”ın sabiq rəhbərləri, futbolçuları və ya əməkdaşları olublar. Bu həmin adamlardır ki, 70 il ədaləti təmin etməli olan insanların təyinatını həyata keçiriblər”.
Aut.az xəbər verir ki, “Real” “Barselona”nın prezidenti Joan Laportaya cavab verib. “Real Madird TV”də “Hakim rejimin klubu kim olub?” adlı rolik yerləşdirilib. Orada “Barselona” ilə bağlı bir çox faktlar əks olunub.
- “Kamp Nou”nun açılış mərasiminin təşkilatçılarından biri Frankonun (1939-1975-ci illərdə İspaniyanı idarə edən hərbi diktator) naziri Xose Luis Ruis olub.
- “Barselona” 1965-ci ildə Frankonu fəxri sosyo (klubun rəsmi üzvü) edib.
- “Barselona” 3 dəfə Frankonu medallarla təltif edib.
- Franko üç dəfə “Barselona”nı müflis olmaqdan qurtarıb.
- “Barselona” Franko dönəmində 8 dəfə La Liqada, 9 dəfə isə Qenralissimus kubokunda qalib gəlib.
- “Real”ın Franko rejimi zamanında La Liqada ilk titulunu qazanması üçün 15 il vaxt lazım olub.
- Vətəndaş müharibəsi dövründə “Real”ın futbolçuları, direktoru və klubun üzvləri öldürülüb.
- Rolikdə, həmçinin “Real”ın sabiq prezidenti Santyaqo Bernabeunun fikirləri yer alıb: “Mən eşidəndə ki, deyirlər “Real” rejimin komandası olub, onu deyənin atasına p..x qoymaq istəyrəm”