Azərbaycan sərbəst güləşçisi Hacı Əliyev Xorvatiyanın paytaxtı Zaqrebdə keçirilən Avropa çempionatında finala yüksəlməsi ilə bağlı açıqlama verib.
Aut.az xəbər verir ki, Dünya Güləş Birliyinin mətbuat xidmətinə danışan idmançı bunları söyləyib:
“Bu il ikinci yarışımdır. Məşqçilər qərara alıblar ki, dünya çempionatında 65 kq-da güləşim. Fikirləşdik ki, Avropa çempionatı üçün çəki salmağa dəyməz. Bir az çətinlik olsa da, 70 kq çəki dərəcəsində də məndə pis alınmır. Rəqiblər fiziki cəhətdən çox güclüdürlər. Onlar dörd-beş kq salmalı olurlar. Mən isə texnikaya üstünlük verərək mübarizə apardım. Rəqiblərimi aldadaraq finala çıxdım”.
Hacı Əliyev bu gün finalda Bolqarıstan təmsilçisi Ramazan Ramazanovla üz-üzə gələcək.