Antonio Kassano Joze Mourinyonun ünvanına tənqidlər söyləməkdə davam edir.
“Heç vaxt böyük adların mənə təsir etməsinə icazə vermirəm, çünki yaltaq deyiləm. Mourinyo başa düşməlidir ki, komandaları bu qədər zəif oynadığı halda, ən azı bir nəfər ona bu barədə məlumat verəcək. O da mənəm.
Çox titul qazanıb? Mən buna əhəmiyyət vermirəm. Eyni şey Alleqriyə də aiddir. Sahib olduqları güclü futbolçularla çirkli futbol oynayırlar. Onların kubokları var? Nə olsun? Onların komandaları zibil kimi oynayırsa… Mən bunu deyirəm və gizlətmirəm”, – Kassano deyib.
Qeyd edək ki, “Roma”nın keçmiş hücumçusu portuqaliyalı məşqçinin Roma klubundakı işinə dəfələrlə mənfi qiymət verib. O, komandanı İtaliya futbolu üçün biabırçılıq adlandırıb.
Daha sonra Joze Mourinyo da ona cavab vermişdi, Kassanonun futbolda heç nə qazanmadığını bildirmişdi.
Aut.az
.