İspaniyanın “Rayo Majadahonda” klubunun hücumçusu və Ukrayna millisinin sabiq futbolçusu Roman Zozulya Ukrayna Gənclər və İdman Nazirliyinin rusiyalı idmançıların boykot edilməsi ilə bağlı verdiyi sərəncama “İnstaqram” hesabında münasibət bildirib:
“Görünür, Ukrayna millisi Avro-2024-ün seçmə mərhələsindən çəkilir 🤦♂️”.
Məsələ burasındadır ki, sərəncamda deyilir ki, Ukrayna milli komandalarına Rusiya və ya Belarus idmançılarının qatılacağı turnirlərdə iştirak etmək qadağandır. İştirak olacağı təqdirdə federasiyanın milli statusundan məhrum edilməsi variantına baxılacaq.
Avro-2024-ün seçmə mərhələsində futbol üzrə Ukrayna millisi, eləcə də Belarus millisi çıxış edir.
Aut.az