“Mançester Siti”nin baş məşqçisi Xosep Qvardiola İngiltərə Premyer Liqasının 31-ci turunda “Lester”lə qarşıdakı oyunu çempionluq uğrunda mübarizə kontekstində ən vacib qarşılaşmalardan biri adlandırıb.
“Sabitlik uğurun açarıdır. Yaxşı matçlarımız çox olub, amma ardıcıl deyildik. Qarşıdakı oyunlarda xal itirsək, titul qazanmayacağıq. Əminliklə deyirəm, sabah məğlub olsaq, çempion olmayacağıq. Qalib gəlsək, “Arsenal”ı məğlub etmək şansımız var, amma unutmaq lazım deyil ki, mövsüm ərzində nadir hallarda büdrəyən və həftədə bir dəfə oynayan komandadan 6 xal geri qalırıq, bu da onların toparlanmaq və təhlil etmək üçün daha çox vaxtının olması deməkdir.
Bizim problemimiz odur ki, “Arsenal” mövsümün əvvəlindən bəri əladır. Onlar həqiqətən yaxşıdır, amma bizim də performansımız, ümumiyyətlə pis deyil. Mən deyərdim ki, bu, fəlakət deyil. Biz hələ də titul uğrunda mübarizə aparırıq, amma bizdən daha yaxşısı var, bunu bir fakt kimi qəbul edib yoluna davam etməlisən.
Hazırda ən yaxşı komanda hansıdır? Kombinasiyalar qurmaq baxımından dünyanın ən yaxşı komandası “Brayton”dur. Amma topu qapıçıdan sahənin son hissəsinə qədər çatdırmağı bacaran komandadan daha yaxşısı yoxdur”, – deyə “Manchester Evening News” Qvardioladan sitat gətirib.
Aut.az