“Bavariya” azarkeşləri “Mançester Siti”, “Mançester Yunayted”in sahiblərinə və ümumiyyətlə futboldakı avtokratlara qarşı etiraz ediblər.
Aut.az xəbər verir ki, Münxen nəhənginin fanatları Çempionlar Liqasının 1/4 final mərhələsi çərçivəsində “Etihad” stadionunda keçirilən “Mançester Siti” – “Bavariya” matçında (0:3) banner açıblar.
Etiraz bannerində belə yazılıb: “Qleyzerlər, Şeyx Mənsur, bütün avtokratlar, rədd olun. Futbol xalqındır”.
Amerikalı Qleyzerlər “Mançester Yunayted”in, BƏƏ-dən olan Şeyx Mənsur bin Zayed Əl Nayan isə “Siti”nin sahibidir.
Aut.az