“Real”ın futbolçusu Federiko Valverdenin “Vilyarreal”ın oyunçusu Aleks Baenaya hücumu ilə bağlı işə gələn həftə baxılacaq.
Aut.az AS nəşrinə istinadla xəbər verir ki, aprelin 17-də İdmanda Zorakılığa, İrqçiliyə, Ksenofobiyaya və Dözümsüzlüyə Qarşı Mübarizə üzrə Dövlət Komissiyasının iclası keçiriləcək. Polisdən müvafiq materiallar daxil olarsa (bunun ehtimalı yüksəkdir), iclasda məsələyə baxılacaq.
İki sənədə baxılacaq: yarımmüdafiəçinin sol yanaq sümüyünün zədələnməsini əks etdirən tibbi rəy və “Real”ın futbolçusunun hərəkətindən hüquq-mühafizə orqanlarına daxil olan şikayət.
Qeyd olunur ki, ərizə geri götürülmədikdə, cinayət prosesi qaçılmazdır, xəsarətin yüngül, yəni cərrahiyə və ya müalicə tələb olunmadığı tanındıqda, iş cərimə ilə məhdudlaşdırıla bilər.
İdman və intizam tədbirlərinin qəbuluna gəlincə, komissiya ya işi İspaniya Kral Futbol Federasiyasına verə bilər (Valverde 2-4 oyun müddətinə diskvalifikasiya oluna bilər), ya da müstəqil olaraq cəzanı təyin edə bilər (minimum bir aydan altı aya qədər müddətə idman obyektlərinə baş çəkmək qadağası).
Aut.az