“Qarabağ”la “Qalatasaray” arasında baş tutacaq xeyriyyə matçının Azərbaycanda və Türkiyədə hansı telekanallar vasitəsilə yayımlanacağı bəlli olub.
Aut.az xəbər verir ki, Azərbaycanda bu qarşılaşma “CBC Sport” vasitəsilə göstəriləcək. Türkiyədə isə oyunun “Haber Global” telekanalında nümayiş etdirilməsi barədə razılıq əldə olunub.
Xatırladaq ki, martın 26-da Bakı Olimpiya Stadionunda baş tutacaq “Qarabağ” – “Qalatasaray” matçına saat 20:00-da start veriləcək. Oyundan əldə olunacaq gəlir Türkiyədə zəlzələdən əziyyət çəkmişlərə göndəriləcək.
