“Barselona”nın hücumçusu Robert Levandovski Kataloniya klubunda daha neçə il keçirməyi planlaşdırdığı ilə bağlı sualı cavablandırıb.
Aut.az xəbər verir ki, Levandovski bu suala birmənalı cavab verməyib:
“Barsa”da daha neçə il keçirəcəyim haqda düşünmürəm. Hesab edirəm ki, yüksək səviyyədə bir neçə il keçirə bilərəm. Amma neçə il olduğunu bilmirəm. Əminəm ki, bir-iki ildən çox olacaq. “Klubdan çox” şüarının mənasını indi başa düşürəm”.
34 yaşlı hücumçu 2022-ci ilin yayında “Barselona”ya keçib və 4 illik müqavilə imzalayıb.
Bu mövsüm Levandovski bütün turnirlərdə 31 oyun keçirib, 25 qol vurub və 6 məhsuldar ötürmə edib.
Aut.az